Message from a PMA cadet re political repression

The following message was posted in NUSP's friendster account.

Comrades,

I am Ronald Gian Carlo Lapitan Cardema of Calamba City Laguna. I am a Cadet in the Philippine Military Academy in Baguio City. I can continue writing this letter by means of harnessing the English Language fluently and proficiently. But I would rather start using our own language now because it is the only language in the world that all of us Filipinos own and we should be proud of it.

Ako po ay di katulad ng karamihan ng kadete dito sa PMA na walang pakialam o pilit na sinasarado ang pananaw sa katotohanan. Ang aking kamalayan sa di pantay na sistema dito sa ating bayan ay bukas at lumalawig pa. Ako po ay nakikiisa sa inyong mga mithiin para sa isang maunlad na Lipunang Pilipino at Tunay na Demokrasya. Ang aking kaalaman sa tunay na Patriotismong Pilipino ay utang ko po sa aking dating paaralang pangkolehiyo, ang Unibersidad ng Pilipinas sa Los Banos, at sa mga pangangaral ng aking tiyuhing si Ka Noel "Noli" Capulong Sr..

Ang akin pong tiyuhin, na deputy regional coordinator ng BAYAN sa ST, ay walang pakundangang pinagbabaril ng mga aso ni GMA sa militar/police. Kahit po walang ebidensya na military/police ang pumatay ay alam ko po at alam po ng aking pinsan na si Noel Capulong Jr (na bestfriend ko rin po at kaklase mula pa high school hanggang college sa UPLB) na ang nagtiktik (surveillance) sa aking/kanyang amain/ama ay dalawang ISAFP/MIG agents mula sa Camp Eldridge sa Los Banos Laguna. Sila sina 2LT Aga Macasaet(Res) PA at si Sgt Tony Flores PA na aking "napag alaman mismo" ay miyembro ng Military Intelligence Group (MIG) ng ISAFP para dito sa 2nd District ng Laguna. Ang "Pilipinong traydor" na si Lt Aga Macasaet ay kaibigan namin ni Noel mula pa high school dahil sya ay aming CAT Commandant.

Siya ay minsan nakakapagtakang nagtanong sa amin ni Noel patungkol kay Tito Noli at kay Kapitan Delfin De Claro ng Brgy Bucal, Calamba Laguna. Sila na parehong Bayan Muna members kung saan si Tito Noli ay patay na ngaun at si Kapitan de Claro ay may tangkana sa buhay ngaun.Si Sgt Tony Flores naman ay ang nagpunta sa bahay at nakausap ni Tito Noli at Noel isang buwan bago siya patayin. Siya ay kunwari nagiinquire sa bahay patungkol sa PMA application ni Noel na dalawang taon nang tapos/lipas. Nakapagtataka. Pag uwi ko sa bahay nung gabing iyon, ako ay masinsin na kinausap ni Tito Noli na siya ay kinakabahan sa mga ganung militar na nag iinquire sa bahay. Tila totoo na pala noon ang premonition ng aking tiyuhin.

Ako po ay pabalik na sa PMA sa makalawa at nabahala sa lumabas na balita patungkol sa gusto ni GMA na "total annihilation" sa mga miyembro ng CPP-NPA-NDF at mga leftist groups. Ang kanyang kagustuhan na iyon ay isang patunay na wala siyang pakialam sa mga Pilipinong dapat pinaglilingkuran niya ng tapat. Buti pa ang mga Amerikano na nang-gahasa ng isang Filipina, di man lamang niya pinagsalitaan ng masama, pinoprotektahan pa nila ng pag-"teteknikal" sa batas natin at tila itinuturing pa ang pang gagahasa na ito bilang isang "friendly fire". Ito ay isa nang Acts of Aggression laban sa ating Lahi at Dignidad. Pero ang mga Kasamang Pilipino, na kababayan nya, na ang nais lamang ay pagbabago sa sistemang bulok ng gobyerno at Lipunan, ay gusto niyang ipapatay at ubusin. Ako ay naniniwala na siya na, ang pinakabaliw at walang hiya sa mga naging pinuno ng baying ito. Walang inintindi kundi pasayahin ang mga dayuhan dito habang naghihirap ang kanyang mga kababayan.

Sa kanyang pagdadagdag ng isang Bilyon sa pondong pampatay ng mga Kasamang Pilipino, siya ay lalong matatalo sa kanyang mga pansariling adhikain sa buhay. Sa kada isang mamamatay na Kasama ay lalong madadagdagan ang samahan. Ang mga aktibistang mag aaral, magsasaka, manggagawa, negosyante, taong simbahan, at propesyunal mula sa kabayanan ay sasama na sa armed struggle at ang mga dating tahimik...#